HARRY SINGH-----Mermaid

Mermaid - A love story - part -1 

Tum par likhna mere liye jitna aasan ha utna hi mushkil bhi, magar ye bhi to dekho k ek tum hi ho jis par ma jab tak chanhu tab tak likh skta hu yaani anant tak,

Shayad jab hum pehli baar mile the to maine kabhi socha nhi tha k hum kabhi ek dusre k kareeb aayenge,

ek to mai un dino ravi se pyaar kar baitha tha, wohi love at first sight wala,

dusre tum IAS officer ke bete, aur ma thehra lower middle. class wala, school colleges me aamtor par group bhi to waise hi hote hai sabke apne apne status wale
g

haa pta ha tum kahoge k mai to class me sabka hi favorite tha, intelligent, honest aur singer harry, 

tumne hi to mujhe naam diyaa tha Raffi,

Are tum kahoge ki mai tumhe yaani Karan ko sambodhan karke kyon likh reha hu, tum to iss group ya iss jaise kisi group k sath dur dur tak koi naata nhi rakh skte 

pta hai mujhe, par dil me ek tammana ha k tum aao aur dekho k mera dil aaj bhi waise hi bekarar hai tumhare liye aur hamesha rahega, janam janam tak

un dino maine school jaana band kar diya, ravi ne mere sath jo kiya, uske baad I was so depressed, ghar se nukalta to school k liye par kisi park me jakar baith jaata,

ek din aise hi baitha tha,

harry, karan ki aawaj ne mujhe chonka diya, yahan kya kar raha ha yaar, kayi din se class me bhi nhi aa raha, aise to tere lecture short ho jaayenge, kya baat hai,

maine karan ki taraf dekha, par bola kuchh nhi,

karan ne mera hath pakrha aur kaha, chal school chale,

mujhe nhi jaana kahi, maine kaha, par na jaane kyo meri aankhe bhar aayi,

karan samajh gya k koi problem ha,

kya baat ha dost,

nhi koi baat nhi hai, maine normal hone ki nakaam koshish ki,

achha koi baat nhi agar school nhi jaana, chal mere ghar chalte hai,

usne mujhe bench se uthaya aur apne sath le chala,

dekh harry, tujhe koi problem ha to bol, shayad ma kuch help kar saku, agar nhi bhi bataana chahta to bhi ye baat samajh le k I m always with u dear,

mai uske bike par baith gya,

us din se pehla tak wo mere liye ek ordinary classmate ths, aur uss din chahe wo kuchh kareeb aa gya tha par mujhe ye nhi pta tha k hum aage jaakar kitne kareeb aane waale hai ......

part 2 

Exams aaye, jaahir hi tha k mai fail hone wala tha, mere ghar me bhoochal aana hi tha,

par mai hairaan reh gya, jab results wale din karan bhi fail ho gya, usne meri bhondu jaise bni shakal ko dekh kar kaha,

dekha tera peecha chhorh ne wala nhi,

aur hum jor jor se has parhe,

kuch class mates ne socha dono paagal ho gye ha jo fail hokar bhi has rahe hai,

sham ko karan ka phone aaya, Abhi kuchh din mere ghar mat aana, Papa bahut gusse hai,

hum school me ya bahar hi milte, 

Ravi school pass out kar gya tha to ab school mujhe comfortable lagne laga, iss saal humne khoob hardwork kiya aur dono hi first division me pass hue

ek saaal me dono itne kareeb aa gye, more than best friend,

Aur as usual unn dino karan pyaar me parh gya, baaki boys ki tereh apne parhos me rehne wali ek girl se,

she is beautiful na, karan din me na jaane kitni baar puchhta,

wo mera proposal accept kar legi na,

haa, mai har baar kehta,

aise nhi, suppose, tum wo ho aur mai tumhe propose kar raha hu,

hey I LOVE YOU,

U LOVE ME??

I LOVE U TOO, mai bol deta,

pta nhi maine ye kitni baar kaha,

aur pta nhi kab ye baat mere dil me baith gyi, I love u too,

fir tumne uss girl ko propose kiya aur aur reply lene mujhe bejha

khair ma gya kyonki tumne dosti ka waasta diya,

khair ma pit te pit te bacha, aur aaj bhi us baat ko yaad karta hu to bahut has parhta hu,

unhi dino pehli baar jab ehsaas hua k I m in love with u to achanak hi, us mermaid ki yaad aa gyi jo ek prince se pyaar me parh jaati hai,

Par kyonki dono ki sharieik banavat me fark ha issliye wo apne pyaar ko paane me asamarth ha,

tab mujhe laga ki kahi ma bhi wohi mermaid to nhi .....


Part 3 

Maine Bsc me admission li aur tum city k sab se prestigious college me Btech k liye gye, un dino me karan k father ka transfer ho gya,

karan kuch din hostal me raha fir kuch dino baad usne apne college k friends k sath ek ghar rent par liya, mera wahan daily aana jaana laga rehta, jo boys karan k sath rehte the unse bhi dosti ho gyi,

uss ghar me saara din boys ki bheerh lagi rehti thi, unhi me ek larhka tha Krishan, MBBS ka student, ek to bahut se anjaan boys k beech ma vaise hi nervous ho jaata us par wo Krishan jab bhi milta mujhe aise ghoorta jaise pura nigal jaayega,

Mujhe bahut awkward lagta,

Ek din,

mai wahan pahuncha, to karan akela hi tha,

mujhe dekhte hi jor jor se hasne laga,

kya hua,

kuchh nhi, wo fir hasne laga,

kya!! maine bhi thorha has kar hairaan hote hue puchha,

Bta to du, magar waada kar k tu naaraj nhi hoga,

kya, mujhe pta nhi kyon thorhi si bechaini hui,

please mind mat karna, wo krishan ha na tere baare me keh raha tha k tu gay hai, aur mujhse keh raha tha k yaar karan tu to roj maje karta ha uske sath, yaar par aise akele akele maje karna theek nhi, yaaro k sath mil baant kar khana chahiye, kitna barhiya maal hai,

karan fir se khilkhila k has parha

life me dusri baar aisi situation aayi thi, Pehli baar tab jab Ravi ne puchha tha, R u homo(sexual) 

us waqt bahut bura laga, pta nhi kya reason tha, shayad ye ho k Ravi jis se ma pyaar kar baitha tha pehli najar me hi us ki najero me apni value nhi khona chahta,

pta nhi kaisa ye dastoor ha k aap agar jara se bhi different ho to ya aap majaak k patr ho ya daya k,

but mujh inn dono se hi nafrat ha, na majaak chahiye na daya 

I want an equal status

iss baar jab ek anjaan shakhs ne mujhe pehchan liya to sachmuch bura nhi laga,

maine karan se kaha, to fir wo khud bhi to gay hua jo ek boy k sath maja karna chahta hai,

Are nhi yaar aisa nhi hai, u know he is a doctor (future) to unke liye human body is a machine aur wo to iska use karna chahte hai bas,

mujhe shuru se hi iss baat par hairaani hoti ha k aam indian ki najar me ek top gay nhi balki ek bottom hi gay hai,

abhi kuch din pehle hi ek versetile friend ne mujhse kaha k yaar agar aap top play karte ho to aap kisi ko bhi apne ghar le aao to chalta ha but as a bottom its a big risk,

shuru se hi aisa ehsaas logo ne dilaya k jaise being bottom is a great sin,

shayad is vajah se hi ms apne shuru k sex relations kabhi enjoy nhi kar paaya, hamesha guilt feel karta raha,

khair ghar aaya, aur socha, kya mai barhiya maal hu,

aur jor jor se hasta raha,

Ab mere man me karan k liye atoot pyaar paida ho gya tha par ye baat mai us se kaise kehta,

darr tha k kahin wo naraj na ho jaaye, kahin ma use kho na du,

chahe maine us se hajaaro baar kaha tha I love u too, uske I love u k jawaab me,

har baar lagta ki us mermaid ki kahaani ki tereh koi jaadugarni mujhe bhi mil jaaye to use paane k liye mai use kuchh bhi de deta,

par kya karu, ye to science age hai we have no magic,

ek din karan ne kaha, aaj yahi ruk ja movies dekhte ha aur party karenge,

ok, maine ghar phone kar diya,

kul paanch dost the hum, Bp dekh rahe the, chicken aur drink bhi thi, mai aur ek aur boy drink nhi karte the, karan aur two boys ne drink ki, film khatam hui to kuchh der baat hui idhar udhar ki fir sab sone ki tyaari karne lage, garmiyo k din the, maine kaha mai chhat par sounga,

to karan aur ma chhat par aa gye baaki teeno neeche room me cooler chala k so gye,

nashe ka asar tha ya kuchh aur karan mere bahut kareeb tha,

hum baate karte jaa rahe, neend meri aankho se koso dur thi, pehli baar mera pyaar mere sath tha raat ko, tanha 

garmee ki wo raat kitni romantic lag rahi thi,

raat k 1.30 ho gye the, mujhe bahut pyaas lagi,

maine karan se kaha, paani chahiye,

neeche gye to dekha k frig me saari bottle khali thi,

saale sharaabi, saara paani pee gye,

ab,

ab kya, subah paanch baje paani aayega, usne kaha,

paanch baje tak ma mar jaaynga pyaas se, maine kaha,

are tujhe marne nhi dunga jaan, usne has kar kaha, bottle utha,

oh I was so happy, usne mujhe jaan kaha tha

bike start ki aur paani k liye hum ghar se baahar aa gye, wo bhi raat k do baje,

aaj bhi lagta ha jaise kal ki hi baat ho maine use peeche se kas k pakharh liya aur apne honth halke se uski gardan par rakh diye,

Lehel ki market me pahuncha waha paani ka ek nalka tha khoob paani piya, aur bottle bhi bhar li, karan ne apna sir paani se dhoya, aur mai bike k pass ja kar kharha ho gya

hey, wo jor se bola, I love u harry,

I love u too karan,

lehel ki wo sunsaan, khamosh market, raat k do baje hamaare pyaar ke ijhaar ki gawaah bni,

pehli baar usne I love u k baad harry kaha,

ye I love u mujhe kaha gya tha, MUJHE

wo mere kareeb aaya aur mere hotho par ek kiss kiya, fir hum ek lambi kiss me kho gye .
...
 part 4 

Uss raat mujhe neend nhi aayi, karan mere sath tha meri baanho me kitni der hum ek dusre se kiss karte rahe, fir karan ko neend aa gyi shayad drink ki vajah se par mujhe nhi,

mai use dekhta raha, mera sapna sach ho gya tha,

he loves me,

subah ma utha, karan abhi so hi raha tha, neeche do aur boys bhi uth gye the, ek ne mujhe coffee offer ki, but I refused, kyonki ma apne lips se karan k hotho ka taste nhi khona chahta tha,

us roj mai nahaya nhi, kyonki karan ki jo khooshboo mere ander se aati mehsoos ho rahi thi use ma khona nhi chahta tha,

saara din madhosh sa raha,

next day mujhe tyaar hone me bahut waqt laga, pyaar k izhaar k baad pehli baar us se milna jaana tha 

Are aaj to bahut jach rahe ho, usne kaha,

as usual wahan kayi boys the,

fir karan ne kaha, chal market chalte hai,

ek restaurant me coffee peene baithe to karan ne kaha,

Harry, I m sorry yaar,

For what,

us raat nashe me maine jo bhi kaha jo bhi kiya uske liye, please, I feel so guilty, ma soch raha ths k tu kitna emotional ha pta nhi kya soch raha hoga,

haalanki jab usne ye sab kaha mere gaal sharam se laal ho gye par ma kuchh bhi keh mat paaya

Dekh tu bas sochna k hamaare beech kuchh hua nhi, kuchh bhi nhi, tu samajh raha ha na,

haalanki, kehna to mujhe chahiye tha, kyon sochu aisa I love u and u love me that's all

but kaha kya bas yahi, its ok yaar

fir achanak hi karan khicha khicha sa rehne laga,

Sabke beech hi milta, akela milne se avoid karta, haalanki sab causal hi tha roj milna, hassi majaak etc,

Ek din ma gya to karan akela hi tha,

Fir uski waal par najar parhi to shock sa laga,

BE NORMAL, barhe barhe words me likha tha,

maine uski aur dekha, to usne mujhe kaha,

harry hame khul k baat kar leni chahiye,

kya, maine aankhe jhukaate hue kaha

nhi harry, jo bhi dil me ha wo keh do, aur meri aankho me aankhe daal kar kaho,

tum hi keh do kya kehna ha, maine kaha,

Harry mai jab bhi tumhe dekhta hu ya tumhare sath akela hota hu to tumse physical hone ka dil hota hai, dil karta ha k tumhe touch karu, feel karu,aisa mere man me kabhi kisi k liye nhi aaya, mere room mates college k friend kisi k liye mere man me aisa khyaal nhi aaya, sirf tumhare liye hi kyon harry,

Yahi to pyaar hai, pta nhi kaise mujhme itni himmat aa gyi, ha karan, I love u and u love me, we r in love that's y u feel so,

Ek pal ko wo hairaan reh gya,

kya keh rahe ho tum, dekho,

harry, u know its means, society??

parents??

carrier???

Harry aaj baat chal hi parhi to to sab clear kar le, yes I love u but as a friend only,

as a friend only!!! no karan, dont cheat urself, aur ma apne ko dokha nhi de skta, I love u means I love u, and I know u love me too, agar na karte to mere liye wo feeling kahan se aati,

hey harry, relax, yes I admit that wo feeling ha mere man me, but reason wo nhi jo tum samajh rahe ho, we are best friends, we are too close, hum itne close aa chuke ha k next step physical relations hi ha, nothing else,

karan chah kar bhi ye nhi keh saka k he does not love me,

Harry, ek promise karo mujhse,

kya,

bolo waada karte ho meri baat manoge,

haa, maine kaha aur dil me socha chahe jaan bhi maang le de dunga,

harry hum friends ha aur hamesha rahenge, but aaj k baad iss subject par kabhi baat nhi karenge, KABHI NAHI

KABHI NHI, maine kaha

ye maine kya kar diya, ye tumne kya kar diya karan, mere pyaar ki aawaj hamesha k liye mitaa di, mere pyaar ko hamesha ke liye gunga bna diya, kyon,

fir hum milte rahe, sab waisa hi chalta rha,

par sach kahu to meri sharirik banavat ne mere pyaar ko haraa diya, mai us mermaid ki tereh gunga ho gya, jo apne raajkumar k mehal me hai par use bol kar kuch bta nhi paa rahi ke use paane k liye kya kya bardashat kar k waha aayi hai,

EK GUNGI MERMAID, APNE KHAMOSH PYAAR K SATH

FIR BHI DIL ME TAMMANA HAI K SHAYAD KABHI, SHAYAD KAHIN, KISI AUR JANAM ME HUM MILE, AUR TAB YE JISMO KI BANAVATE PYAAR KO HARAA NA SAKE

I WILL WAIT FOR U ENDLESSLY ....