******************SAPNO KA “RAJ”KUMAR******************
…………….a story by Sam sk (Hindi Story)
Ye koi FAIRYTALE nahi hai, kahaani hai ek Normal ladke ki. Ye kahani shuru hoti hai ek Engineering college me. Par kahani 1st day se shuru nahi hogi. Humaare saare kirdaar uss waqt Second year( 4th Semester) me study kar rahe the aur ab take k dusre ko kuch had tak jaan chuke the . To chaliye milte hai humaare kirdaaron se. Sabhi main characters iss waqt canteen me honge to sidhe CANTEEN chalet hai
AADITYA aur VARUN ek saath bait ke coffe pi rahe the. Aaditya class ka topper , cute sa ladka, chashme pehnke aur bhi cute lagta. Padhaaku types ka zaroor tha par ek aur kaam me maahir , Dancing. Uske Dancing ke bare me sab ko freshers party me pata chala tha jab seniors ne har kisi ko apna talent dikhane ka mauka diya tha. Aur Varun, Aaditya ka best friend Dedh saal me Aaditya ne sirf ek hi sabse achcha dost banaya tha, Baaki sab logon se wo utna close nahi tha jitna Varun ke saath. Varun bhi handsome aur well built , muscular banda tha. Wo dono canteen me bait kar coffee pi rahe the aur ek dusre se maze se baate kar rahe the
Wahi unki pass waali table pe unhike class ka ek group tha, RONY, Amir baap ka bighda hua beta. Dusro ka majaak banana aur aur unhe tang karna to jaise Rony ke shouk the. Rony ka best buddy RAJ, Raj bhi rony ki tarah ek bade business man ka beta tha. Aur ye dono ek dusre ko bahut pehle se jaante the. Raj bhi bahut hi handsome tha aur college ka new singing sensation. Uska singing talent bhi freshers party ke din hi sab ke saamne aaya tha. ROHAN aur ARYAN , rony ke chamche. Ye dono Rony aur Raj kea age piche ghumte rehte. Iss group me Do ladkiya bhi thi. JIA aur NATASHA,
Rony: hey!!! I ll get another coffee, aur kisiko chahiye
Others : No
Aur Rony coffee lene chala gaya
Varun: Aadiee!! Thado apna mobile de naa yaar
Aadiee: kyun?
Varun: chahiye , de naa plz
Aadiee: main nahi
Varun: arey!!! Aisa kya hai tere mobile me jo mujhe nahi de sakta?
Aadiee: its personal
Varun: ohho!!! Now I definitely want ur mobile
Ye kehkar Varun apni chair se utt kar aadie ke paas usko mobile chin kar lene ke liye gaya
Aadiee: haha.. Varun nahi.. dekh plzz… hahahaha
Aur dono ke bich kincha-taani huyi. Aadie ne Varun ko majaak me Push kiya, aur wo piche Rony se takra gaya, jo coffee lekar aa raha tha.
Rony: hey!! Watch it.. aise khullam khulla pyaar mat karo.. kahin private me jaao aur ek dusre ke saath jo karna hai karo. (Rony ne gusse me Varun se kaha)
Varun : Hey Mind ur tongue
Jiah: Rony.. Chill yaar
Rony: Dekho yaar hmaare class ke gay couple.. hahaha (Raj, rohan aryan sab hasne lage)
Jiah: Rony stop it
Varun gusse se Rony ki taraf jaa raha tha , par Aadie ne uska haath pakad ke use roka
Rony: tum logon ne innhe kabhi bhi kisi aur ke saath dekha hai? Hamesha ek dusre ke saath chipke rehte hai
Natasha: idiot they r best buddies
Rony: best buddies to main aur Raj bhi hai par hum log to baaki sab friends ke saath bhi hangout karte hai.. hahahaha
Rony: dekhna inn dono ke iraade tik nahi hai…
Aadiee: Varun chalo yahan se
Aadiee aur Varun waha se chale gaye… par unka discussion chaalu hi raha….
Aadiee aur Varun canteen se bahar aa gaye
Varun: main to aaj iska mooh hi tod deta
Aadiee: bhool jaao, ye batao kal se tum prof. sharma ko unke project me assist kar rahe ho naa?
Varun: haan yaar … m excited.. kal se shaayad college ke baad bhi rukna padega, sir ne kaha hai Saturday Sunday ko bhi aana padega.
Aadiee: chalo class ke liye late ho raha hai…….
**********************************
Next day Aadiee college late pahuncha, lecture start ho chukka tha issiliye wo piche ke darwaze se class me gaya aur back bench pe bait gaya. Uske turant baad class me Raj aaya, aur wo aadiee ke side me bait gaya.
Raj: hey aadiee
Aadie: hii (aadiee ne halki smile ke saath kaha)
Raj: kal canteen me jo hua uske liye sorry yaar.
Aadiee ko thoda ajeeb laga ki ye sorry kyun keh raha hai? Isse pehle to kabhi inn logon ne kissise shayad sorry kaha naahi hoga
Aadie: its ok
Raj: its not ok, kal rony kuch zyada hi bol gaya
Aadie: uski to aadat hai naa… forget it, main bhul chukka hoon
Tabhi professor unn dono ko pakad leta hai
Proff: what you both r discussing over der? Both of you plz get out of the class..
Puri class unki taraf dekhti hai. Varun bhi aaadie ko ghoor ke dekhne lagata hai
Prof: plz get out now!!!!
Wo dono class se baahar jaate hai
Raj: fir se sorry yaar, meri wajag se
Aaidee: its ok, bye
Raj: arey ruko.. kaha jaa rahe ho?
Aadie: Library
Raj: yaar main tumse baat kar raha hoon aur tum aise…. Chalo na canteen chalte hai .. agar tumne mere saath coffe pili to main samjhunga tumne mujhe sach me maaf kiya
Aaide ko kuch samajh nahi aa raha tha ki iss ladke ko kya hua hai…
Aadiee: tik hai, mujhe nahi lagta tum waise mera picha chodne waale ho..
Raj: hahahaha.. sahi kaha tumne
Dono hasne lagte hai, aur canteen ki taraf chalte hai
*************************
Canteen me
Raj: tumhe Varun ke alawa kissise baat karna achcha nahi lagta?
Aadiee: main class me sab se baate karta hoon… tum log to kabhi galti se class me aa jaate ho iss liye tumhaare grp se zyada baate nahi hoti, aur haan varun mera best friend hai issiliye main uske saath zyada time spend karta hoon..
Raj: agar maine tumhari taraf dosti ka haath badhaya to kya.. Mujhse Dosti karoge?
Aadiee: hmm dekhunga, sochunga, kal parso kuch kahunga…
Aur dono hasne lagte hai
Coffe khatm karke dono class me next lecture ke liye chale gaye
****************
Classroom me
Varun: kya hua aaj late kyun?
Aadiee: bus miss ho gayi yaar, lift leke aana pada
Varun: aur uske saath kya baaten kar raha tha?
Aadie: kuch nahi, wo sorry keh raha tha, kal ke liye
Varun: dekh use dur rehna.. unke grp ke kissi bhi member se dur reh
Aadie: yess boss.. tera project aaj se shuru hoga naa?
Varun: haan, m so happy
Shaam ko college ke baad raj fir se aadie ko milta hai
Raj: aaj akele jaa rahe ho?
Aadiee: haan varun ko kuch kaam hai
Raj: oh.. agar tumhara first best frend nahi hai to kya tumhara ye second best frend tumhe ghar drop kar sakta hai?
Aadiee: aaj subah hi dosti huyi.. aur sham tak best frend?
Raj: oh sorry.. ye “NEW” frend drop kar sakta hai?
Aadiee: tik hai chalega.. par best frend kahaa hai to dosti nibhani padegi
Raj: aajmaa ke dekh lena
Wo Raj ki bike pe bait ke chala gaya
Episode 2
Next day
Aadiee Library me kuch books dekh raha tha. Tabhi usko Raj dikhayi diya. Wo uske paas gaya
Aadie: hey raj
Raj: hey aadiee, tum yahan?
Aadie: haan book le raha tha
Raj: oh !!!! main bhi
Aaidie: tumhari tabiyat to tik hai naa raj?
Raj: haan bilkul .. mujhe kyaa hua hai?
Aadie: tumhe nahi lagta tum iss jagah pe pehli baar aaye ho?
Raj: wat? Kya? Tumhe ye lagta hai ki main kabhi libraray nahi aata?
Aadie: agar aate to tumhe pata hota kit um jiss jiss jahah book dhoond rahe ho waha Literature ki books rakhi jaati hai..
Raj: oh!!!!! is it?.. oh!!!.. maine to wahan uss taraf poora dhonda mujhe book nahi mili, to main yahan dhond raha tha
Aadie: chalo maine dhoond deta hoon tumhaari book.. Dono books leke library se baahar nikalte hai
Raj: hey yaar thanks
Aadie: abhi best friend kaha hai to itna to chalta hai naa
Raj: haan par iske badle ek coffee to banti hai naa?
Aadie: kya? Hahaha Ok chalo…
Project ki kaam ke wajah se Varun busy rehta tha. Aur aadie ko Raj me ek naya dost mil raha tha
Dono ek dusre ke saath waqt bitaane lage. Varun ko ye pasand nahi tha. Par Aadie Raj ko trust karne laga tha. College ke baad bhi wo dono ek dusre ke saath bahut waqt bitaate. Infact Raj apne group ke saath kam aur aadiee ke saath zyaada waqt bitaane laga.
*****************************
Garden me
Raj: kya hua udaas kyun hai?
Aadiee: yaar assignment pura nahi hua hai. Abhi bhi kuch answers nahi mil rahe. Pata nahi time par submit hoga bhi yaa nahi
Raj: tujhe answers nahi miley to baaki class ko kya milenge.. tension mat le koi submit nahi karega
Aadie: kyun main kya genius of the class hoon?
Raj: aur nahi to kya, anyways..... ( itna keh kar Raj kuch dhondne laga)
Aadie: kya dhoond rahe ho tum?
Raj: tumhaari hasee.. wo kho gayi hai naa?..
Aadie: raj!!!!!! tum bhi naa (aur wo hasne laga)
Raj: dekha haste huye kitna cute lagta hai tu.. wait.. ek photo khinchta hoon
Raj: ye dekh .. see this pic.. u look so cute wen u smile..
Aadie: thank u.. abhi chalo library se kuch aur books lene hai
Issi tarah Raj Aadie ki harr muskurahat ki wajah banta jaa raha tha. Aadie Raj ke saath hamesha khush hi rehta. Raj use kabhi udaas nahi hone deta.
***************************************
Raj: hey aadie. Chal rehearsal hall chal
Aadie: kyun?
Raj: arey HUNGAMAA ’14 : humaare college ka annual event paas aa raha hai aur iss baar concert me main perform kar raha hoon.
Aadie: wow great!!!!
Raj: u also participate naa..
Aadie: mujhe nahi karna participate .. plz
Raj: tik hai par mere saath to chal
Dono rehearsal hall pahunchte hai.
Aadie: yahan to koi nahi hai
Raj: Aa jaayenge main thoda jaldi aa gaya. Tu yahi ruk.. main stage pe jaa ke gaana gaata hoon.. bataana kaisa alaga
Aadiee: ok
Raj (gaana shuru karta hai)
Jab jab tere paas main aaya
Ek sukun milaaa
Jisse main tha bhulta aaya
Wo wajood mila
Dilll sambhal jaa jara………..
Gaana to raj gaa raha tha, par uska hare k word Aadiee feel kar raha tha, wo dil me yahi keh raha tha ki yahi gaana mujhe tumhare liye gaana hai raj
Raj: kaisa tha?
Aadie stage par chala gaya
Raj: kya hua ? kaisa laga mera gaana?
Aadie: bahut achcha.. yaar iss stage par aake mera bhi dance karne kaa mann kar raha hai
Raj: To kar naa plz.. mujhe tera dance dekhna hai plz
Aadie: abhi nahi
Raj: dekh abhi koi nahi hai yahan plz yaar
Aaide: tik hai koi slow song hai to play karo.. I ll do contemporary
Raj ne song play kiya aur Aadie Dance karne laga…
Iss baar raj aadie ko bass dekh hi raha tha.. uske chehre ki khushi, uske aankho ki chamak,, Raj puri tarah se Aadie ke dance me kho gaya
Aadie dance karte karte achanak aake Raj ke bilkul paas ruk gaya. Aur dono bass ek dusre ko dekhte hi reh gaye. Dono ek dusre me kho gaye. Tabhi achanak kuch logon ki aahat si huyi aur unhone dekha ki college ke aur bhi students aa rahe the
Aadie: raj, main tumse kal milta hoon abhi mujhe jaana hai
Raj: Aadiee mujhe tumse ek zaroori baat kehni hai..
Aadiee: Kal baat karenge… bye
***********************
Next Day
Raj: iss week zyada lectures attend nahi kar paaunga, next wk concert hai aur rehearsal karni hai
Aadiee: achcha ? isse pehle saare lectures attend karte the naa tum?
Raj: hahahaha….. Sun ek zaroori baat karni hai…
Aadiee: Varun call kar raha hai.. usne lab. me bulaya tha, I ll see u later
Raj: arey meri baat to sun naa yaar
Aadiee: college ke baad milta hoon fir batana
Raj: mujhe rehearsals me jaana hai .
Aadiee: tik hai fir kabhi bata dena
Aur Aadiee chala gaya. Pure college me Annual Festival ki taiyaariya shuru ho gayi. Raj bhi rehearsals me busy ho gaya. Varun ko prof. Sharma ne college festival tak project ke kaam se bhi chutti de di. Pura College festiva ke mood me tha. Aur aakhir College festival shuru ho gaya. 3 din ka event tha aur 3rd day( last day) concert rakha gaya tha.
****************************************
Episode 3
HUNGAMAA ‘14: Day 1
Raj: Aadiee ruko
Aadie: hey Raj
Raj: kahaan jaa rahe ho?
Aadie: Hostel, Mere term work ki File Varun ke room me hai, Sir ki sign leni hai .
Raj: ok main bhi aata hoon
Aadie aur Raj hostel ki or jaane lage. Hostel ke paas unhe Rohan mila.
Rohan: hey Raj, Rony tujhe dhoond raha tha.. tujhe call bhi kiya tha pr tera number lag nahi raha tha
Raj: ok, tell him I ll come after sometime
Rohan: tik hai
Rohan apne ek frend ke room me chala gaya.. aur Aadie aur Raj, Varun ke room me.
Raj: Varun kaha hai?
Aadie: Wo Sir ke cabin me hai, apni File check kara raha hai,
Raj room me gaya aur bed par bait gaya
Raj: I am so tired yaaar, pichle kuch dino se rehearsals ne pura thaka diya hai
Aadie: Concert ke baad aaram kar lena.. hahaha… chalo mujhe jaldi jaana hai
Raj: nahi bait idhar thodi der
Aadie: Raj plz chalo, Varun wait kar raha hai
Raj ne aadie ka haath pakda usse bed pe baitne ko kaha, par aadie nahi maana. To raj use kich liya, Aadie apna balance kho baita aur raj ke upar hi gir gaya.. Raj aur Aadie pehli baar itne kareeb the. Dono jaldi se utt gaye. Un dono ko kuch alag sa mehsoos ho raha tha, Aadie ne apna bag uthaya
Aadie: chalo raj
Raj aadie ke paas aaya, usne uska haath pakda aadie ko apni taraf moda aur uske hoto pe kiss kiya, Aadie aur Raj ek dusre me kho gaye,
Tabhi aadie ka mobile bajne laga, Varun ka call tha
Aadie: hello
Varun: kahan hai idiot? Sir chale jaayenge fir aana File leke..
Aadie: ok ok.. Aata hoon ruk… 5 minute..
Aadie: Raj (uski awaaj me ab hichkichahat thi) Varun wait kar raha hai, I have to go.. (wo Raj se nazre jhuka kar hi baat kar raha tha)
Raj: Aadie I want to tell you something.. bahut zaroori baat hai
Aadie: baad me milenge .. abhi mujhe jaana hai
Raj: tik hai, main bhi rehearsals ke liye jaa raha hoon..
Dono waha se chale gaye, Aadie ke dil me ek ajeeb hulchul si thi, par uss kiss ke baad wo Raj se baat karne me sharma raha tha
Aadie ne apni File Sign karwa li, aur college ke baad Raj ka wait karne laga, par Raj nahi aaya, Usne use call kiya par call connect nahi ho paya, Usse laga Raj rehearsals me busy hoga, wo ghar chala gaya,
Uss din wo bahut khush tha, use laga shayad yahi baat thi jo raj pichle kuch dino se use kehna chahta tha, Usse laga ki Raj agle din shayad use propose kare, Aadie yahi soch raha tha ki use pata hi nahi chala ki usse kab raj se pyaar ho gaya.
HUNGAAMA ’14 : Day 2
Aaj Aadie bahut khush tha, Wo Raj se milne ke liye betaab tha,
Varun: hey Aadiee
Aadie: hi,
Varun: mujhe kuch numerical problems me doubt hai, chal naa class me chal, see if u can help me
Wo dono classroom me gaye,aur problems solve karne lage.
Kuch der baad wahan Rony aur uske friends bhi aaye par Raj nahi tha, wo log claas me bait kar zor zor se baate karne lage, aisa lag raha tha ki jaan bujh kar aadie aur varun ko sunaayi de iss liye loudly baate kar rahe the
Rohan: Rony. Ye dekh mera paas brand new video hai dekhega?
Rony : haan yaar dikha
Rohan apna mobile Rony ko dikhata hai
Rony: oh my god!!! Ye to sensational video hai.. Jiah n Natasha tum bhi dekh lo, aakhir tum dono shart jo haar gayi
Jiah: oh my God!!!! I don’t believe this man, Raj ne to shart jitney me jii jaan laga di
Jiah Aadie aur Varun ke paas jaati hai
Jiah: Aadie tumpe bharosa kar ke shart lagayi thi yaar, tumne to hume haraa diya
Aadie: kaisi shart? (aadie ne hairaan ho ke pucha)
Natasha: yaar uss din jab tum aur varun canteen se chale gaye the, tab Rony aur Raj ne humse shart lagayi thi, ki they will prove that you are GAY
Jiah: haan and they won, ye dekho ye video
Aadie aur VArun to jaise shocked the
Unhone video dekha, Wo video Aadie aur Raj ke Kiss ka tha, Rohan ne chupke se apne mobile me record kar liya tha
Aadie ko kuch samajh nahi aa raha tha aur Varun , gussa uske sir pe chad gaya tha
Rony: kyun? Abhi yahi kahoge ki tum gay nahi ho?
Varun: (gusse se) Rony !!!
Wo rony ki taraf gaya aur uska gala pakad liya, Rohan aur Aryan ne unn dono ko alag kiya
Aadie ke aankho me aasu aa gaye the
Tabhi waha Raj aaya
Raj: hey guys kya ho raha hai ye sab?
Raj ne Aadie ki or dekha
Raj: Aadie kya hua? Tum ro rahe ho?
Varun: door reh usse kamine
Raj: hey!! Wats wrong?
Jiah: kuch nahi yaar.. innko tumhari SHART ke bare me pata chal gaya hai.. aur ab inka drama dekho
Raj: wat?
Jiah ne Raj ko wo video dikhaya
Raj: aadie meri baat suno
Varun: you better stay away u bastard
Aadie chup chaap khada tha, aankho me aasu liye
Varun: aadie chalo yaha se
Varun Aadie ko lekewaha se bhahar chala gaya, Raj ne unke piche aane ki koshish ki
Raj: Aadiee meri baat to suno
Varun: agar aaj ke baad tu aadie kea as paas bhi aaya naa, yaad rakhna mujhse bura koi nahi hoga
Varun ne bike start ki aur aadie ko ghar leke gaya, Aadie bike pe bait ke bass soch hi raha tha, kya usne jo raj ki aankho me pyaar dekha thaw o sirf ek shart ke liye tha? Ab usse ssaari baaten saaf saaf samajh aa rahi thi…. Wo Raj ka uske har pal piche piche ghumna, achanak se har jagah pahunchna jaha aadie ho.. usse hasaana, usse sahara dena, wo sab sirf aur sirf ek SHART ke liye tha
Varun aur Aadie ghar pahunche, aadie bike se utar gaya, aur apni ghar ki taraf chalne laga, tabhi varun ne usse awaaz di, aadie piche muda, par uski nazare jhooki huyi thi, Varun bike se utra aur aadie ke paas aaya, usne aadie ko gale lagaya aur aadie fut fut ke rone laga..varun ne usse sambhalne ki koshish ki
Varun: dekh bhool jaa jo hua, they r bastards man, tu fikr mat kar
Aadie: tujhe to mere gay hone se koi problem nahi hai na? (rote huye usne pucha)
Varun : maine tujhse dosti ki hai, aur tu jo hai jaisa hai tu mera dost hai, aur isme kya galat hai yaar agar tujhe ladke pasand hai? Har kisiko pyaar karne ka haq hota hai, aur pyaar kisiko bhi kisise bhi ho sakta hai …
Varun ki baate sun kar aadie aur bhi rone laga
Varun: dekh abhi tu chup nahi hua to ek thappad lagaunga
Aadie apne aap ko sambhalta hai
Aadie: thanks tu nahi hota to aaj main………..
Varun ne aadie ke mooh pe haath rakha aur usse kuch bolne se manaa kiya
Varun: abhi tu ghar jaa, kuch mat sochna, Kal main tujhe pick karne aaunga
Aadie: nahi tu mat aana main khud aa jaunga college, I m fine now
Varun: very good, abhi thoda hass de
Aur dono hass ne lage, par aadie ki hassi nakli thi, usne sirf varun ko jataya ki sab tik hai, wo ghar gaya, par uske dimaag me sirf Raj tha.. wo Raj ke saath bitaya har pal har lamha yaad karne laga, aur rote rote hi so gaya
********************************
Episode 4 (LAST)
HUNGAAMA ’14: Day 3
Varun aadie ko call karta hai
Aadie: hello
Varun: kahan hai tu?
Aadie: ghar pe hoon, main aaj nahi aa raha.
Varun: kyun? Maine kal kaha na tujhse?
Aadie: arey aaj kuch khaas kaam bhi nahi hai college me, concert bhi sham ko hai, ek din to chutti lene ki sochi
Varun: main tujhe lene aa raha hoon
Aadie: nahi.. please yaar
Varun: tik hai sham ko ready rehna, main concert ke liye tujhe pick karunga
Aadie: tik hai
Varun sham ko aadie ko pick karne jaata hai
Varun: tu taiyaar nahi hua?
Aadie: nahi yaar, tabiyat tik nahi hai, tu jaa
Varun: agar tu aaj mere saath nahi aaya naa, tu bhool jaana ki main tera dost hu
Aadie: pls Varun aisa mat bolo
Varun: chal
Aadie: tik hai I ll get ready
Wo dono college pahunche
Aadie aur Varun Stage ke saamne jaake bait gaye, aur concert shuru hua, Ek ke baad ek performance huyi, aur fir Raj ke performance ka time tha, Raj stage pe aaya, Aadie ne apna sir jhooka liya.. wo Raj ko nahi dekh sakta tha, Raj ne gaana shuru kiya
Dil.. sambhal jaa jaraa…..
Aur aadie ke liye bahut mushkil ho raha tha
Aakhir Raj ka ek song khatam hua
Uss gaane ke baad aadie ne audience kaa shor suna.. usne stage ki taraf dekha to aadie ki wahi foto jo raj ne garden me khinchi thi, smile karte huye stage pe lagi screen pe thi, aadie ghabraa gaya,, wo utt ke khada ho gaya, Varun ne aadie ka haath pakdaa
Varun: aadie
Aadie: varun , ye log jaroor kuch karne waale hai, mujhe yahaan nahi rehna, main jaa raha hoon
Varun: kuch nahi hoga aadie,
Aadie: meri foto wahan screen pe hai varun
Varun: Sun…. Subah Raj mere paas ayaa tha
FLASHBACK
********** Raj: Varun , plz sirf ek baar meri baat sun lo
Varun: ab kya kehna hai tujhe, ab kaunsi shart ke liye yahan aya hai?
Raj: ye sach hai ki main Aadie ke kareeb sirf Shart ke liye aaya tha, par jab maine usse kareeb se jaana, pehchaana, wo mujhe pasand aane laga…
Varun: kya????
Raj: haan yaar, I hv started liking him, mujhe usse sacha pyaar ho gaya hai, I LOVE HIM
Varun: tu? Aadie se? tu ( Varun ko samajh nahi aa raha tha ki wo kaise react kare)
Raj: haan yaar main pichle kuch dino se aadie ko ye shart ki baat batana chaah raha tha, par bata nahi paaya, kabhi haalat aur kabhi darr ke maare
Varun: tu abhi mere saath chal .. hum aadie ko batayenge
Raj: nahi, pata nahi shayad usse meri baate jhoot lage, tu please mere upar ek ehsaan kar de, tu aaj sham ko aadie ko kaise bhi kar ke concert me leke aa jaa, main koshish karunga usse manaane ki
Varun: tik hai yaar (Varun bahut khush tha, usne Raj ko gale lagaya)
Varun: thank u **********************
PRESENT TIME
Aadie ko ye sab sun kar fri se rona aaya, usne stage ki taraf dekaha
Varun: usne apne frends se bhi zagda kiya.. Rohan ne dhoke se wo video banaya tha, Raj ko iske bare me kuch nahi pata tha
Aadie Raj ki taraf dekh raha tha
Raj (on stage): Guys.. ab jo gaana main pesh karne jaa raha hoon wo mere Best frend ke liye hai, wo mujhse rooth gaya hai, ye ek koshish hai usse fir se manaane ki
Au r Raj ganaa shuru karta hai…
RAJ : ((Kabhi kabhi “AADIEE” zindagi mein yuhi koi apna lagta hai, Kabhi kabhi “AADIEE” wo bichad jaaye to ek sapna lagta hai, Aise mein koi kaise apne aasuon ko behne se roke? Aur kaise koi soch le everything’s gonna be ok?
Kabhi kabhi to lage zindagi mein rahi naa khushi aur naa mazaa, Kabhi kabhi to lage har din mushkil aur har pal ek sazaa, Aise mein koi kaise muskuraye, kaise hass de khush hoke? Aur kaise koi soch le everything gonna be ok?))
Gaana Sunkar Aadie ke aankho me aansu aaye, par iss baar wo aansu khushi ke the. Uska jo haal ho raha thaw o bayaan karna bhi mushkil tha, Usne Varun ki taraf dekha to Varun uske side me nahi tha, Varun bhi stage par pahunch chukka tha aur Varun ne gaana aage badhaya
Varun : (( Soch zara yaara tujhko hum kitna chahte hai, Rote hai hum bhi agar teri aankhon mein aasu aate hai, Gaana to aata nahi hai magar phir bhi hum gaate hai, Ki “AADIEE” maana kabhi , kabhi saare jahan mein andhera hota hai, Lekin raat ke baad hi to savera hota hai..))
DONO : ((Kabhi kabhi “AADIEE” zindagi mein yuhi koi apna lagta hai, Kabhi kabhi “AADIEE” wo bichad jaaye to ek sapna lagta hai, Hey “AADIEE” hass de, hass de, hass de, hass de, hass de, hass de tu zara, Nahi to bass thoda thoda thoda thoda thoda thoda muskura..))
Aadie ke khushi ka koi thikaana nahi tha…. Issi bich Raj aur uska group bhi aadiee ke paas aaye, unhone ishaaro mein hi aadie ko SORRY kaha. Aadie ne unhe smile ke saath maaf kar diya
Aadie bhaag kar stage pe chala gaya, aankho me abhi bhi aansu hi the, wo sidhe jaake RAJ ke gale lag gaya, Raj ne aadie ke kaan me kaha
Raj: I LOVE YOU AAdiee
Aadiee: (raj ke kaan me) I LOVE YOU TOOO
Aur Aadie rone laga
Varun: oye abhi to hass de!!! Raj aage ka gaana suna nahi to iskaa rona band nahi hoga
Raj: ok
Raj: ((Tu khush hai to lage ki jahan mein chayee hai khushi, Sooraj nikle badlon se,aur baaten zindagi, Sun to zara madhosh hawa tujhse kehne lagi, Ki “AADIEE” wo jo bichadte hai ek naa ek din phir mil jaate, “AADIEE”, jaane tu ya jaane naa phool phir khil jaate hai..
Kabhi kabhi “AADIEE” zindagi mein yuhi koi apna lagta hai, Kabhi kabhi “AADIEE” wo bichad jaaye to ek sapna lagta hai, Hey “AADIEE” hass de, hass de, hass de, hass de, hass de, hass de tu zara, Nahi to bass thoda thoda thoda thoda thoda thoda muskura..))
Sab log Gaane par zhumne lage the, Varun, Raj, Rony, Jiah, Natasha, Rohan, Aryan, aur pura college aur Aadie to itna khush tha ki lafz bhi uss khushi ko bayaan nahi kar paayenge, Wo soch raha tha ki Aisa hi to hota hai SAPNO KA “RAJ”KUMAR……………………………..
Har kisiko hota hai jiska intezaar
Milta hai kuch hi naseeb waalo ko aisa pyaar
Sapno me to aata hai baar baar
Ek din shayad mil hi jaayega, humaare bhi SAPNO KA “RAJ”KUMAR …………..
THE “happy” END
(The song at the end is also for one of my best frend here on Facebook … AADIEE…Aadie please keep smiling dear, GOD will fulfil ur wish ;) J :D J J)
Will b back wid next story soon ,,, till then TAKE CARE
*************************************************************************************
No comments:
Post a Comment